И тоа го има во Серија А: Неверојатно е каков гол примија во 95 минута за да биде „два во еден“ на крајот (Видео)

Верона го победи Сасуоло на домашен терен со 2:1, во меч кој имаше неверојатен финиш. Сасуоло кој е сигурен на средината на теренот, водеше на полувреме со 1:0 и имаше доминација на теренот.

Гостите имаа 60 отсто посед на топка, повеќе шутеви кон противничкиот гол, изведоа дури 10 корнери, но на крајот на неверојатен начин загубија. Верона делуваше инфериорна на теренот, но домаќините израмнија на 1:1 со голот на Чечерини кој погоди по еден добро изведен корнер.

Се чинеше дека средбата ќе заврши нерешено, но тогаш се случи еден неочекуван момент. Голманот на гостите, Андреа Консилји истрча надвор од својот шеснаесетник и наместо да проигра некој од своите соиграчи, топката му ја „подари“ на противникот. Со гол од речиси 40 метри, на празна мрежа, Верона стигна до целосен пресврт и негативата од 0:1 на полувреме ја претворија во победа од 2:1.

Со овој триумф, верона стигна до 22 бодови и е на 18 место на табелата, што значи дека останува во зоната за испаѓање, но сега има поголеми шанси да ги стигне Специја (26 бодови) или Лече кој има 27 бодови, а се во сигурната зона на табелата.

https://twitter.com/i/status/1644774544970862593

ПОВРЗАНИ ВЕСТИ

- Оглас -

Најнови вести