Мечот помеѓу Чикаго и Мајами воопшто не се одигра и тоа поради влажниот под, па ноќната кошаркарска програма остана посиромашна за еден меч. Се одиграа три од четирите планирани натпревари.
Познатата сала „Јунајтед Центер“ во Чикаго беше исполнета до последното место, кошаркарите излегоа на загревање, но веднаш пријавија дека паркетот е лизгав и дека условите не се безбедни за играње.
Имено, во салата се создаде кондензација на паркетот, предизвикана од поројните дождови надвор, повисоките температури и високата влажност на воздухот.
Truly bizarre scenes at United Center tonight. The Bulls – Heat game has been delayed for more than a hour as crews work to clean the court from condensation caused by the torrential downpours outside, warmer temps and high humidity levels. @WGNNews pic.twitter.com/iVi5nuZdzs
— Josh Frydman (@Josh_Frydman) January 9, 2026
Играчите се повлекоа во соблекувалните, а делегатот на натпреварот нареди во салата да се намали греењето и натпреварот да започне со задоцнување од еден час, доколку се исполнат условите за негово одигрување.
И покрај тоа што персоналот на салата со крпи се обидуваше да ја собере влагата од паркетот, ниту еден час по закажаниот почеток на натпреварот немаше услови за играње, па беше донесена одлука натпреварот да се откаже.
Новиот термин за одигрување на натпреварот ќе биде одреден дополнително.
Miami Heat vs Chicago Bulls highlights are going CRAZY🥶🥶🥶 pic.twitter.com/cgkwvT1gMV
— KingCharge (@KingCharge) January 9, 2026
Резултати:
Шарлот – Индијана 112-114
Чикаго – Мајами одложена
Минесота – Кливленд 131-122
Јута – Далас 116-114
