Долго најавуваното истанбулско дерби меѓу Галатасарај и Бешикташ не ги исполни очекувањата. Турците се подготвуваа за вистинско шоу и повеќе од 50.000 навивачи на „Турк Телеком Арената“, која на крајот остана празна. Причина за дербито да се игра без публика е една, а тоа е Коронавирусот.
Пред почетокот на мечот, во Турција имаше регистрирано само шест заразени луѓе од опасниот вирус, стадионот беше целосно дезинфициран, но повторно на крајот стравот преовлада и беше решено дуелот да се игра без публика. Во една таква ситуација, дербито го губи целиот свој сјај.
Галатасарај имаше над 60 отсто посед на топката, дури 16шута кон противничкиот гол, но тоа немаше ефект. Бешикташ имаше помалку шанси, но гостите успеаа да ја затресат мрежата на Галатасарај. Во 28 минута гостите погодија, но погодокот беше поништен поради оф-сајд.
На крајот, двете екипи освоија по еден бод во дербито кое ќе биде запамтено по тоа дека Коронавирусот ја уби еуфоријата и го сруши истанбулското фудбалско шоу. Галатасарај со 50 бодови остана на третото место со три бода помалку од лидерот Трабзонспор, кој денеска во уште едно дерби, против Басакшехир одигра 1:1. Токму Басакшехир втор со 53 бодови.
