Антоан Гризман важи за еден од најдобрите фудбалери на денешницата. Многу трофеи, одлични игри, но едно прашање ги мачеше многумина. Зошто французинот секогаш игра со дрес со долги ракави, и во зима, но и во лето.
„Кога бев дете го гледав Дејвид Бекам секогаш во долги ракави. Многу ми се допаѓаше неговиот стил. Се сеќавам во Реал Сосиедад воопшто немаше дресови со долги ракави и морав да побарам од економот, а тој даде се од себе за да ми набави таков дрес.“ – ја разреши мистеријата Гризман.
Неговиот клуб, Атлетико Мадрид, последната титула ја освои во 2021-вата година, сезоната кога тој настапуваше во Барселона.
„Никогаш не го освоив шпанското првенство, а сум клупски рекордер по бројот на головите, но многу ми е тешко што не станав шампион. Лигата на шампионите на сите ни е сон.“ – додава французинот.
