Новак Ѓоковиќ вчера со победа го започна завршниот Мастерс турнир кој се игра во Торино, откако лесно со 2:0 славеше над Каспер Руд. На овој меч, Новак имаше специјален гостин. Златан Ибрахимовиќ беше во Торино да го гледа и да навива за својот пријател.
Популарниот Ибра неодамна се врати од репрезентативните обврски со Шведска и по мечот со Шпанија во Севилја, директно допатува во Торино за да се види со Ѓоковиќ.
Двајцата врвни спортисти беа видно расположени, а Ноле не ја пропушти шансата да го поздрави Ибра со неговата омилена песна „Јутро је“ од Нада Топчагиќ.
