Полската тенисерка Ига Швјонтек е прва финалистка на парискиот гранслем-турнир Ролан Гарос.
Таа во полуфиналето ја надигра Коко Гоф со 6-2, 6-4 и само со еден загубен сет стигна до финалето на турнирот кој го освојуваше во 2020, 2022 и 2023 година. Ига има серија од 20 победи по ред на земјените терени на Ролан Гарос.
Швјонтек во финалето ќе се сретне со Јасмин Паолини или Мира Андреева, а против кого и да игра, водечката на ВТА-листата ќе биде голема фаворитка.
