Полската тенисерка Ига Швјонтек е победничка на Вимблдон, откако за помалку од еден час ја прегази Аманда Анисимова со 2-0 во сетови (6-0, 6-0), не дозволувајќи и на Американката ниту еден гем во финалето.
Таа е првата тенисерка во „опен ерата“ која остварила ваков триумф во финалето на Вимблдон, а вкупно втора во историјата. Швјонтек стигна до шестата гранслем титула во својата кариера.
Резултатот доволно говори каква доминација имаше полската тенисерка на денешното финале. Анисимова имаше голем број неизнудени грешки, а тоа Швјонтек знаеше немилосрдно да го казни.
Финалето кое се одигра пред 114 години, исто така заврши со убедлив резултат 6-0, 6-0 во корист на Доротеа Ламберт Чемберс, која ја совлада Дора Бутби. Овој меч досега претставуваше едно од наједнострано одиграните финалиња во историјата на Вимблдон. Но, сега и триумфот на Швјонтек е во истата конкуренција.
A new Wimbledon champion is crowned 🇵🇱
— Wimbledon (@Wimbledon) July 12, 2025
Iga Swiatek defeats Amanda Anismova 6-0, 6-0 to win the 2025 Ladies' Singles Trophy 🏆#Wimbledon pic.twitter.com/P9EQ2T7Vf5
