Дефанзивецот на Атлетик Билбао, Јерај Алкарас, се најде во незавидна ситуација откако падна на допинг-тестот. Играчот кој во последните девет сезони е лојален на баскиската фудбалска гордост вели дека главен виновник за ова е лекот кој го користи за спречување на опаѓање на косата.
Триесетгодишниот Јерај, кој го победи ракот на тестисите во 2017 година и беше редовен играч во одбраната на Атлетик покрај Дани Вивијано, не го помина допинг-тестот по првиот натпревар од полуфиналето на Лигата на Европа против Манчестер јунајтед.
Јерај објасни дека е привремено суспендиран, а неговата одбрана дека забранетата супстанца е пронајдена во неговиот систем бидејќи користел лек против опаѓање на косата.
„Откако го преболев ракот, со години користам третман против алопеција и откако го проучивме случајот, беше утврдено дека позитивниот резултат се должи на случајно внесување на лек за спречување опаѓање на косата кој содржел забранета супстанца“, објави Јерај.
Атлетик Билбао објасни дека привремената суспензија на Јерај е поради „човечка грешка“, но нагласи дека процесот сè уште е во тек и дека не можат да дадат дополнителни детали.
