Посетителите на интернет страницата на УЕФА кои имаа можност од 25 ноември 2019 до 7 јануари 2020 година да гласаат и да учествуваат во креирањето на идеалниот тим во Европа за 2019 година, ги одбраа најдобрите, од кои дури седуммина првпат се во овој избор.
Кристијано Роналдо дури по 14-ти пат е дел од тимот кој го бираат навивачите, а Меси 11-ти пат. Роналдо со Јуве освои Скудето во Серија А, а со Португалија ја освои Лигата на нации. Во тимот има и тројца членови на холандската селекција која беше финалист во Лигата на нации. Разбирливо, најбројни се играчите од европскиот клупски првак Ливерпул.
Најдобар голман е Алисон Бекер од Ливерпул.
Во идеалниот одбранбен тим се Трент Александер Арнолд од Ливерпул, Матајс Де Лихт од Ајакс и Јувентус, Вирџил Ван Дајк од Ливерпул, и Енди Робертсон од Ливерпул.
Средниот ред го сочинуваат Френки Де Јонг од Ајакс и Барселона и Кевин Де Бројне од Манчестер сити
Во напад се Лионел Меси од Барселона, Садио Мане од Ливерпул, Кристијано Роналдо од Јувентус и Роберт Левандовски од Баерн.
