Енис Барди и Леванте загубија од директниот конкурент за опстанокот, екипата на Кадиз со 2:0.
Во првата средба од новото, 22-ро коло, нашиот репрезентативец и неговиот тим имаа ново бледо издание, со кое што го изгубија мечот за „шест бода“.
Алваро Негредо (34′) и Салви Санчез (74′) ја обезбедија победата на гостите, додека неколку домашни навивачи станаа зачудени на социјалната мрежа Твитер, поради одлуката на тренерот Алезијо Лисци да го замени Барди во 55-та минута со Хорхе де Фрутос, потенцирајќи дека Барди е најреативниот и еден од ретките играчи кои што може да направи вистинска промена во тимот.
По постигнувањето на вториот гол, домашните играчи беа испровоцирани од гостите и тргнаа да се пресметаат, но, за среќа беше спречен поголем инцидент, а главниот судија додели неколку жолти картони.
Со новиот пораз, Леванте си остана на бројката од 11 бодови, додека Кадиз со новите три има 18 бода и се наоѓа на седумнаесеттото место во Ла Лига.
Levante 0 Cádiz 2. Salvi #LevanteCádiz pic.twitter.com/cjSwqJwbNB
— Football24/7 (@foet247europa) January 22, 2022
No entiendo la salida de Enis Bardhi, sí la entrada de Jorge de Frutos. Bardhi es el jugador más capaz de desmontar a la defensa del Cádiz con su pase, se demostró en la jugada que casi remató Soldado.#lacasadelfutbol #LevanteCádiz
— Maese Orlandi✍️ (@Marcos_Orlandi) January 22, 2022
