Реал Мадрид во само неколку дена остана без два трофеи. Најпрво загуби во финалето на Суперкупот од Барселона со 3:2, а потоа неочекувано беше елиминиран и од Купот на Шпанија, откако со 3:2 загуби од второлигашот Албасете.
Овие порази многу ги налутија фановите на Реал кои „на нож“ ги дочекаа своите миленици на вчерашниот дуел против Леванте. Многу навивачи на „Сантијаго Бернабеу“ жестоко реагираа и со свирежи ги „наградија“ своите миленици и тоа секако е поради двата порази во Суперкупот и Купот.
Посебно на мета беше Винисиус јуниор, но и другите не беа поштедени. Како што наведуваат шпанските медиуми, по завршувањето на мечот, атмосферата во соблекувалната на Реал била ужасна, иако тимот победи со 2:0. Фудбалерите биле шокирани зошто навивачите толку ги исвиркувале во текот на мечот, па решиле да го „возвратат ударот“.
Како што пренесува шпански „КОПЕ“, фудбалерите на Реал решиле да испратат порака до нивните навивачи која гласи: „Ако ни аплаудирате кога победуваме, а ве нема никаде кога губиме, тогаш никогаш не сте ни биле еден од нас“.
🚨 BREAKING: Real Madrid players are very sad and shocked that the Bernabeu booed them that much.
The locker room’s message: “If you only applaud us in glory, but you disappear in defeat, you were NEVER one of us.” @COPE pic.twitter.com/CSVRFLatXz
— Madrid Zone (@theMadridZone) January 17, 2026
