Фудбалерот на Арсенал Рикардо Калафиори, остана зачуден кога главниот судијата на мечот против Њукасл му забрани да користи пешкир, но сè беше направено според правилата, кои не се толку добро познати на јавноста.
Калафиори во 27-та минута требаше да изведе аут. Тој е познат по својата способност да ја фрла топката далеку во теренот, па неговите исфрлања често се закана за противничкиот гол. Тој зеде крпа која беше покрај аут линијата за да ја избрише топката и да добие поголемо растојание кога ја фрлаше од аут теренот, но судијата веднаш го запре.
If you’re still doubting that @FA and @FA_PGMOL are actively working against @Arsenal, this video is from yesterday match when Palace player used the towel to wipe the ball, no offense pic.twitter.com/3V2gRBfhlZ
This is today’s match when the referee stopped Calafiori from using… pic.twitter.com/FBCSMSIBVj
— DAILY BANGER (@DailyXbanger) September 28, 2025
Му беше кажано да го спушти пешкирот. Ова се случи само еден ден откако Џеферсон Лерма од Кристал Палас употреби пешкир за да ја избрише топката и да намести гол што му ја донесе победата на неговиот тим над Ливерпул.
Но, во двата случаи сè беше според правилата. Причината е сосема непознато правило дека тимовите мора да се договорат еден ден пред натпреварот дали сакаат да користат пешкири за време на натпреварот. И двата клуба мора да гласаат за употреба на пешкири околу теренот за да се исуши топката. Доколку кој било тим стави вето на одлуката, пешкирите не смеат да се користат.
Од друга страна, на голманите секогаш им е дозволено да ги користат своите пешкири ако сакаат да ги исушат ракавиците или да ја избришат потта од лицето.
