Холандскиот фудбалер Рони Стам четири години играше за екипата на Виган во Премиер лигата, а најголемиот успех го имаше во 2013 година, кога во финалето на ФА купот неговата екипа славеше над Манчестер сити.
Стам беше и шампион на Холандија со екипата на Твенте, но сега во градот Бреда му се суди за шверц на 2,2 тона кокаин. Тој заедно со уште четворица члена на неговото семејство беше уапсен од холандската полиција, а главниот обвинител на судењето кое започна денес рече дека токму Рони Стам е „мозокот“ на шверцот според пораките кои ги пресретнале.
Bro scoorde op en naast het veld bangers, 2200 kilo💀💀💀 #ronniestam pic.twitter.com/U4ttqKuCOG
— Drommel in oranje (@drommelinoranje) September 12, 2024
Поранешниот фудбалер денес не присуствуваше во судницата, но ќе мора да се појави на 28 ноември, кога започнува главниот претрес на неговото судење.
