Меѓународната ракометна федерација, ИХФ, ја објави својата „пресуда“ за инцидентите кои се случија на мечот помеѓу Македонија и Холандија на Светското првенство во Вараждин.
ИХФ ги опоменува Ракометната федерација на Македонија, како и хрватската како организатор и домаќин, да не се повторат инцидентите, во спротивно ќе следува комплетна забрана за присуство на гледачи на натпреварите на кои игра Македонија.
Сепак, делот од трибината што се наоѓа позади клупите на репрезентациите и записничката маса во иднина ќе биде празен, а домаќинот ќе треба да обезбеди поригорозен претрес на влезовите, како и зголемено присуство на полиција во салата.
