Фудбалерот на Аталанта, Јосип Иличиќ, реши топката со која даде четири гола на гостувањето кај Валенсија, да ја донира во болницата „Џовани 23-ти“ во Бергамо, како знак на благодарност до лекарите, медицинските сестри и целиот друг персонал кој деноноќно се бори за спас на заболените од коронавирусот.
„На ваша страна сме, вие сте наши ангели. Ви посакуваме да извојувате победа во најважниот натпревар“ – им порача Иличиќ на вработените во болницата.
