Хајдук ги суспендираше тројцата фудбалери што го прекршија клупскиот правилник, со покер журка од која објавија фотографии кои беа шокантни за сите во клубот.
Стипе Вучур, Андреј Фомичов и Стелијано Филип непосредно пред дербито со Динамо Загреб, објавија фотографии, кои потоа предизивикаа лавина од негативни коментари.
Полуголи со пршути на чело Вучур, Фомичов и Филип играле покер, а потоа ги објавија и фотографиите на социјалните мрежи. Хајдук во тој период играше слабо, што дополнително го навлече гневот на навивачите.
Раководството на клубот одлучи триото разиграни фудбалери да ги пресели во младинскиот погон, а најавуваат дека ќе се обидат да ги продадат сите тројца во зимскиот преоден рок.
