Хрватската скијачка Зринка Љутиќ на доминантен начин триумфираше на слаломот во францускиот Куршевел, таа победи со предност дури од 1,26 секунди подобро време пред второпласираната Сара Хектор.
За 21-годишната Зринка ова е трета слаломска победа сезонава и сега е втора во генералниот пласман во оваа дисциплина.
Трката во Куршевел ја одбележа и враќањето на Микаела Шифрин. Американката имаше тешка повреда од која конечно закрепна, а денеска трката ја заврши само на десеттото место, што е преслабо за неа, но очигледно дека уште се присутни стравот и претпазливоста кај најуспешната на сите времиња.
