Европските квалификации за Светското првенство во кошарка почнаа со сензација, Белорусија ја совлада Турција со 84-70 и можеби им даде ветер во грб на аутсајдерите дека не треба да се плашат од некомплетните фаворити.
Утревечер во „Јане Сандански“ ни гостува Шпанија со Б состав и можеби Македонија ќе го повтори подвигот на Белорусија, која сигурно не би славела против Турција ако за Турците играа евролигашките и НБА-ѕвездите.
Во нивната група се и Велика Британија и Грција, па Турците ќе мора да најдат начин како на следните мечеви да играат во посилен состав за да избегнат срам и отсуство од втората фаза квалификации за Мундобаскетот во 2023 година.
