Четвртиот меч од финалната серија во кошаркарското првенство на Македонија продолжува вечерва во СРЦ „Кале“. ТФТ Скопје вторпат ќе биде домаќин на МЗТ Скопје Аеродром, а почетокот е во 19:30 часот.
Аеродромци водат со 2:1 во победи и вечерва ќе ја имаат втората шампионска топка, додека ТФТ ќе се обиде да израмни на 2:2 во победи и да се избори за евентуална мајсторка.
Хендикеп за ТФТ ќе биде тоа што кај домаќините ќе го нема Зек Браун, кој се повреди во финишот на третата средба и за него е завршена сезонава. ТФТ сонува за освојување на првата титула, додека МЗТ Скопје Аеродром се надева да ја продолжи доминацијата и да стигне до 12-тата шампионска титула во домашното првенство.
