Кошаркарите на Индијана пејсерс обезбедија пласман во големото финале на НБА лигата благодарение на победата над Њујорк никс со 125-108 во шестиот натпревар од финалето на Истокот.
На тој начин, Пејсерс со вкупни 4-2 во серијата се пласираа во големото финале на НБА лигата и ќе имаат шанса за првпат во историјата да го освојат овој престижен трофеј.
Пејсерс до победата ги предводеше Сиакам со 31 поен, пет скока и три асистенции, додека Халибартон додаде 21 поен со 13 асистенции и шест скока. Топин постигна 18 поени и шест скока, а Немхард додаде 14 поени со осум асистенции и три скока. Брајант и Тарнер натпреварот го завршија со по 11 поени, додека уште еден двоцифрен беше Несмит со 10 поени и три скока. Брајант додаде уште три скока, а Тарнер два.
Кај Никс, најдобар беше Ануноби со 24 поени, пет скока и три асистенции, додека Таунс додаде 22 поени со 14 скока и две асистенции, а Брансон натпреварот го заврши со 19 поени, седум асистенции и два скока. Бриџис постигна 15 поени и четири асистенции, а двоцифрен беше и Шамет со 12 поени и две асистенции.
Во финалето Индијана ќе игра против Оклахома сити тандер, која со 4-1 во победи ја елиминира Минесота и се пласираше во големото финале на НБА лигата.
Првиот натпревар е закажан за ноќта меѓу четврток и петок, а предноста на домашен терен ќе ја има тимот на Оклахома.
