Претседателот на Соединетите Американски Држави Доналд Трамп ќе го додели трофејот на победникот на Светското првенство кое летово ќе се игра во САД, Канада и Мексико. Ова го потврди и првиот човек на ФИФА, Џани Инфантино.
„Овој трофеј ќе му биде врачен на 19 јули на капитенот на тимот кој ќе го освои Светското првенство“, рече Инфантино, a потоа додаде: „Ќе го предадам заедно со претседателот на Соединетите Американски Држави, земјата домаќин. Никој не може да го допре овој трофеј.“
Мундијалот во овие три земји ќе започне на 11 јуни, а финалето е закажано за 16 јули.
Трамп беше еден од главните и на ждрепката за извлекување на групите за Мундијалот, кога претседателот на САД ја доби и ФИФА наградата за мир.
Трамп и Инфантино се во пријателски односи, а тие двајца минатата година ја водеа церемонијата за доделување на медалите на светското клупско првенство, а на крајот Трамп им го предаде пехарот на фудбалерите на Челзи, кои беа освојувачи на тој турнир.
