Интер се намачи, но на крајот стигна до победа на гостувањето кај Венеција во меч од 20 коло на италијанската Серија А. Стрелец на голот кој донесе вредни три бода за актуелниот првак на Италија беше Дармијан во 16 минута, а погодокот може да го видите ТУКА. За Дармијан ова е втор погодок сезонава во италијанското првенство.
Со оваа победа Интер стигна до 43 бодови и моментално е на еден бод зад лидерот Наполи, но не треба да се заборави дека Нераѕурите имаат и еден меч помалку од Наполитанците, прекинатиот против Фиорентина.
Венеција останува на претпоследното место на табелата со само 14 бодови од 20 одиграни мечеви и тоа е една од екипите кои дефинитивно се фаворити за испаѓање од елитното друштво.
