Фудбалерите на Интер на најдобар можен начин, со победа против градскиот ривал Милан, дојдоа до својата 20-та титула во Серија А. „Сино-црните“ од Милано го совладаа Милан со 1-2, условно како гости, и сега имаат недостижни 17 поени предност пред градскиот ривал на пет кола до крајот на првенството.
Патот до прослава на титулата го отвори Франческо Ачерби во 18-тата минута, а на 0-2 зголеми Маркус Турам во 49-тата минута. Фикајо Томори во 80-тата минута внесе неизвесност, но на крајот се покажа дека тоа беше само почесен погодок за Милан.
