Лаутаро Мартинес игра одлично под палката на Антонио Конте и покрај Ромелу Лукаку Аргентинецот се развива во расен голгетер. Дресот на Интер за првпат го облече минатата сезона, но дури во оваа Нероаѕурите ги видоа квалитетите на младиот Мартинес, а голем придонес за тоа имаше и заминувањето на Мауро Икарди.
Мартинес сезонава постигна седум гола на вкупно 13 меча, учинок кој го натера раководството на Интер да подготви нов договор за него. Примарна цел е да се тргне калузулата за странски екипи која изнесува 110 милиони евра, а воедно со поголеми примања да се осигураат дека Лаутаро уште долго време ќе игра на „Џузепе Меаца“.
Сегашниот договор на Мартинес важи до јуни 2023 година, додека годишната плата од 1,5 милиони евра ќе биде значително зголемена по потписот на новата соработка.
