Екипата на Интер покажа зошто е главен фаворит за титулата во Серија А откако со убедливи 4:0 ја победи Аталанта во меч од 21-вото коло. Со овој триумф Нераѕурите стигнаа до 69 бода и имаат дури 12 повеќе од второпласираниот Јувентус.
Интер има неверојатен старт во 2024 година. Тимот одигра 11 меча и победи на сите од нив. Ваков перфектен старт Нераѕурите немале никогаш во клупската историја. Осум победи наредија во домашното првенство, двапати се радуваа во Суперкупот, каде што го освоија и трофејот, а успешни беа и во Лигата на шампионите, кога беа подобри од Атлетико Мадрид.
Едноставно, Интер гази на сите фронтови и во првите два месеца од 2024 година има само победи, што е старт на година за историја.
