Актуелниот шампион Интер имаше два гола предност, но не успеа да победи на гости против Парма. Тимот на Симоне Инзаги ремизираше 2-2, а на крајот можеше и да загуби, затоа што домаќинот ја погоди гредата од голот на Јан Зомер.
Матео Дармијан во 15-тата минута и Маркус Турам во 45-та минута донесоа водство од 0-2 за Интер на полувремето.
Но, како гостите да помислија дека лесно ќе ги освојат трите бода, се опуштија во вториот дел, а тоа Парма знаеше да го искористи.
Адријан Бернабе во 60-та минута намали, а само девет минути подоцна Јаков Ондрејка и израмни на 2-2. По овој шок, Интер не успеа да се врати и да постигне трет гол за победа.
