Лидерот во Серија А, Интер планира да го ангажира фудбалерот на Порто, Мехди Тареми, објави новинарот Фабрицио Романо.
Нераѕурите и изминатото лето се обидоа да го купат иранскиот репрезентативец, но Порто одби да го продаде.
Сега ситуацијата е поинаква, договорот на Тареми истекува на крајот од сезоната, а тој им порачал на челниците на Порто дека нема да потпише нов договор.
Бидејќи се наоѓа на шест месеци пред истек на договорот, Тареми во јануари е слободен да преговара со заинтересираните екипи и прв избор му е Интер.
Планот на италијанскиот тим е во јануари да договори се со Тареми и на крајот од сезоната Иранецот како слободен играч да се пресели на „Џузепе Меаца“.
