Францускиот напаѓач Анж-Јоан Бони е многу блиску до преселба во Интер, пренесува „Гаѕета дело Спорт“. Според италијанските медиуми, Нераѕурите постигнале договор со Парма за трансферот на 21-годишниот офанзивец, а во наредните часови се очекува да бидат финализирани последните детали.
Миланскиот гигант ќе плати 24 милиони евра за целосните права на младиот Французин, кој минатата сезона одигра 38 натпревари за Парма, постигнувајќи шест голови и запишувајќи четири асистенции.
🚨 Ange-Yoan Bonny is virtually an #Inter player. A deal is expected to close within the next hours worth €24M. Medical visits are planned for Monday-Tuesday and the player will sign a contract until 2030. 🇫🇷✅
— Inter Xtra (@Inter_Xtra) June 28, 2025
[via @Gazzetta_it] pic.twitter.com/QDJ40FDDrU
Бони треба да ги мине задолжителните медицински прегледи во понеделник или вторник, по што официјално ќе стане нов фудбалер на Интер и ќе потпише договор на „Џузепе Меаца“.
Тој е член на Парма од летото 2021 година, кога пристигна од француски Шатору, а со своите настапи го привлече вниманието на повеќе елитни клубови, но Интер беше најконкретен.
