Интер немаше големи проблеми со Лече и ги победи Морнарите со 2-0, а Џенова славеше со 1-0 на гостувањето кај Монца, потврдувајќи го добриот старт сезонава во Серија А. Интер и Џенова им се придружија на Удинезе и Парма на листата на тимови кои имаат по 4 бода после некомплетното второ коло.
Матео Дармијан во петта минута ја најави победата на Интер против тимот кој во првото коло претрпе пораз од 0-4. Точка стави Хакан Чалханоглу во 69-та минута од пенал. За Турчинот ова беше 17-ти реализиран пенал од 17 обиди во Серија А. Никој друг во топ 5 лигите нема таква прецизност од белата точка.
Од почетокот на минатата сезона наваму, Чалха има 11 голови од пенал, со што го држи првото место пред Кол Палмер од Челзи со 9.
