Капитенот на Интер Мајами, Лионел Меси, се согласил со сите услови од својот нов договор со клубот, објави познатиот новинар Николо Скира.
Тековниот договор на 38-годишниот Аргентинец е со важност до крајот на годината. Се шпекулира дека договорот е до крајот на 2028 година, што може да значи дека Меси планира да игра и на Светското првенство во 2026 и на Копа Америка во 2028.
Инаку доцна синоќа Торонто и Интер Мајами одиграа нерешено 1-1 во натпревар од регуларната сезона на американската МЛС лига. Со освоениот бод, Интер остана втор во Источната конференција, но има и два натпревари помалку, па во игра е и за првата позиција пред плејофот.
