Интер го победи Емполи со 2-0, и дополнително се доближи до обезбедување на титулата во италијанската Серија А. На осум кола до крајот (во игра се 24 бодови), Интер има 14 бодови повеќе од второпласираниот Милан, и реално е до крајот на месецов Нераѕурите да ја освојат својата нова титула.
Тимот од Милано вечерва во почетниот состав имаше дури шестмина Италијанци. Исто толку имаа и лани во април на меч со Лацио, но во последните 20 години, никогаш немале повеќе од шестмина домашни стартери.
Ди Марко даде гол за 1-0, негов петти погодок сезонава (има и шест асистенции), а победата ја потврди Алексис Санчес кој влезе во игра неколку минути пред да го даде голот. На Алексис му лежи играњето за велигденските празници. Чилеанецот е прв играч во историјата на Серија А кој дал гол на Велики Петок, Велика Сабота и понеделникот како втор ден од големиот христијански празник.
Menomale che Thuram è un flop #InterEmpoli pic.twitter.com/PYecYj732C
— DariusTheThird (@DreamChaserIIII) April 1, 2024
