Серијата без пораз на Интер во Серија А се искачи на 12 натпревари, откако го буквално го прегазија Каљари на гостински терен со 0-3. Сепак, не беше се така лесно за избраниците на Инѕаги како што кажува резултатот, со оглед на тоа дека првиот дел заврши без голови.
Сепак, резултатот беше отворен во 53-тата минута кога Алесандро Бастони на помалку чуден начин успеа да го погоди во мрежата на домашните.
Во 71-вата минута Лаутаро Мартинес најдобро се снајде во противничкиот шеснаесетник и зголеми на 0-2, додека конечните 0-3 беа дело на Хакан Чалханоглу од пенал во 78-мата минута.
Интер со оваа победа дојде до 40 бода, колку што има и Аталанта, па сега на врвот од Серија А има две екипи, но тоа може да се промени, со оглед дека екипата од Бергамо вечерва има шанса за нови бодови на гостувањето кај Лацио.
