Италијанскиот фудбалски гигант Интер се надева дека може да добие попрофитабилен спонзорски договор за правото на простор на предната страна на дресот и сака да ја раскине соработката со компанијата за автомобилски гуми „Пирели“. Договорот на Интер со „Пирели“ е вреден 12 милиони евра на годишно ниво, плус уште седум за пласман во Лигата на шампионите, но ова не ги задоволува потребите на раководството на клубот од Милано.
Интер сака да најде нов главен спонзор од кој би имал приходи од 25 до 30 милиони евра годишно. Се шпекулира дека „Пирели“ ќе биде заменет со „Самсунг“, компанија со која кинеските сопственивци на Интер имаат блиски врски. Во комбинација е и „Евергранд“, уште еден стратешки партнер на семејството Џанг.
Колку и да добие Интер од новиот спонзор, сепак нема да има договор како оној на Јувентус со „Џип“. Јуве добива 42 милиони евра годишно.
