Интер во голем стил ја отвори новата сезона во Серија А и ја забележа најубедливата победа на стартот. Избраниците на Кристијан Киву со убедливи 5-0 славеа на домашен терен над Торино и се лидери по првото коло со најдобра гол-разлика.
Маркус Турам беше стрелец на два гола, а по еднаш погодија Алесандро Бастони, Лаутаро Мартинес и Анж-Јоан Бони. Победникот беше решен многу рано, уште во првото полувреме, после кое Интер веќе имаше водство од 2-0.
