Хрватскиот фудбалер Марцело Брозовиќ потпиша договор со саудискиот Ал-Наср и ќе игра во ист тим со Кристијано Роналдо, па одлучи преку социјалните мрежи да се прости од фановите на неговиот досегашен клуб Интер.
Брозовиќ им се заблагодари на навивачите за поддршката, но малку подоцна покажа дека со Интер не се разделил на пријателски начин.
Нераѕурите од Милано објавија фотографија само со зборовите „Довидување Брозо“.
Брзо потоа следуваше реакција од фудбалерот, кој пред неколку дена, додека траеше натегањето на Интер и Ал-Наср околу понудата, објави слика од циркус.
„Голем поздрав, убава фотографија“, на саркастичен начин со емотикон на смеење со солзи порача Брозовиќ, кој осум сезони играше за Интер.
