Интер, актуелниот вицешампион на Италија, постепено се повлекува од намерата да го ангажира нигерискиот напаѓач Адемола Лукман од Аталанта и, според италијанските медиуми, веќе ги префрла своите фокус и преговарачки напори кон Кристофер Нкунку од Челзи.
Лукман беше еден од главните приоритети за засилување на Интер ова лето, но понудата од 45 милиони евра беше одбиена од Аталанта, која јасно стави до знаење дека нема да го пушти својот најдобар стрелец за помалку од 50 милиони евра. И покрај зголемената понуда од страна на миланскиот клуб, нема подготвеност за понатамошно зголемување на износот, па се очекува Интер да се откаже од натамошни обиди за трансфер.
Како алтернатива, клубот ги насочува напорите кон Нкунку, 27-годишен офанзивец кој минатото лето премина во Челзи, но не успеа да ја реплицира формата од времето во Лајпциг, каде на 119 натпревари во Бундеслигата постигна 47 голови.
Во дресот на Челзи има 38 настапи во Премиер лигата со шест постигнати голови, додека за репрезентацијата на Франција има 14 настапи и еден погодок.
