Враќањето на Антоан Гриезман во Атлетико Мадрид беше топ вест во последните минути од преодниот рок во Европа, тој ќе го засили својот некогашен тим, и ќе биде поддршка за Луис Суарес во шпицот на Јорганџиите.
Французинот замина во Барса во 2019 година за 120 милиони евра и ги налути фановите и раководството на Атлетико, но веднаш се виде дека Каталонија не му легна, и улогите се сменија, сега во Барселона не го сакаат, а во Мадрид му простија.
Интересно е што од сезоната 2018/2019 наваму, Гриезман и Суарес како постојано се во некакви турбуленции и преселби, па патиштата им се вкрстуваат и разминуваат. Ако продолжат во „цик-цак“, тогаш во 2022/2023, веројатно повторно Гриезман и Суарес нема да бидат тимски колеги. Дотогаш, ќе уживаат во играњето заедно и борбата за одбрана на титулата во шпанската лига.
Сајтот „Бличер репорт“ направи интересна монтажа какви дресови носеа двајцата напаѓачи во последните три сезони и за претстојната:
https://twitter.com/i/status/1432849616039522306
