Последнопласираната екипа во италијанската Серија А, Салернитана, и тренерот Пипо Инѕаги се разделија после само 18 натпревари. Клубот од Салерно е последен и заостанува шест бодови од 17-тата позиција која носи опстанок, што беше причина за раководството да реагира.
Салернитана оваа сезона има само две победи и седум нерешени средби, што е далеку од очекуваното и амбициите за опстанок во Серија А.
Пипо Инѕаги како фудбалер најголема трага остави во Милан и Јувентус, додека како тренер ги предводеше Реџина, Бреша, Беневенто, Болоња и Венеција, а во 2014/15 беше тренер и на Милан.
