Челзи и трет натпревар по ред остана без победа во Премиер лигата, откако загуби од Ипсвич со 2-0. „Сините“ беа на втората позиција на табелата, но ремито со Евертон и двата неочекувани порази од Фулам и Ипасвич ги турнаа на четвртото место.
Домашните на „Портман роуд“ дојдоа во водство преку Лиам Делап од пенал во 12-тата минута, додека водството на Ипсвич го удвои Омари Хачисон во 53-тата минута, што на крајот се покажа како доволно за победа.
Ипсвич после двата порази од Арсенал и Њукасл падна на претпоследното место, но со овие три непланирани бода напредуваше една позиција и на голема врата се врати во борбата за опстанок во Премиер лигата.
