Репрезентацијата на Иран изненадувачки славеше против Полска, во првото коло од одбојкарскиот турнир на ЛОИ. По голема драма и пет сета, Иран победи со 3:2.
Пред мечот, Полјаците беа големи фаворити и лесно го добија првиот сет со 25:18, но Иран не се предаде. Во следните два сета, со идентични 25:22 Иран поведе со 2:1 во сетови, а потоа Полска го доби четвртиот сет со 25:22.
Во решавачкиот петти сет се играше поен за поен, но предноста беше за Иран кој стигна до 14:13 и имаше меч топка. Полска успеа да спаси пет меч топки, а потоа и тие беа во ситуација да имаат една меч топка, но не ја искористија. При резултат 22:21, Иран одлично организираше напад и со 23:21 го доби петиот сет, искористувајќи ја шестата меч топка.
Во денешните мечеви од првото коло на одбојкарскиот турнир: Италија – Канада 3:2 (26:28, 18:25, 25:21, 25:18, 15:11), Бразил – Тунис 3:0 (25:22, 25:20, 25:15), Русија – Аргентина 3:1 (21:25, 25:23, 25:17, 25:21), Јапонија – Венецуела 3:0 (25:21, 25:20, 25:15), САД – Франција 3:0 (25:18, 25:18, 25:22).
