Поранешниот шпански репрезентативец, Иско, во зимскиот преоден рок не успеа да пронајде нов клуб откако си замина од Севилја, но и без фудбалот, тој одлично заработува и може слободно да се пензионира.
Иско од 2017 година е во врска со актерката Сара Саламо и имаат два сина, пред неколку години започнаа заеднички бизнис од којшто добро заработуваат.
Тие во 2020 година ја основаа компанијата „Исла Новембер СЛ“ чија дејност е изнајмување и продажба на недвижнини.
Компанијата веќе поседува пет објекти кои ги изнајмуваат, а последна аквизиција им е луксузен стан во центарот на Мадрид.
Покрај луксузниот апартман, Иско и Сара поседуваат уште три стана и една куќа во Мадрид.
