Иско беше клучниот играч во триумфот на Бетис над Реал Мадрид, придонесувајќи со гол и асистенција. Кога го реализираше пеналот за 2-1, поранешниот играч на Кралевите не се воздржа во прославата, иако во минатото помина девет години во дресот на Реал.
По натпреварот, Иско се извини за неговата реакција.
„Сакам да им се извинам на Реал Мадрид и на навивачите за мојата прослава. Многу сум им благодарен и тие секогаш ќе имаат место во моето срце“, изјави шпанскиот фудбалер.
