Фенербахче немаше милост против најслабиот тим во Евролигата и со убедливи 103:68 славеше над Алба, во 32 коло на најсилната кошаркарска лига во Европа. Во центарот на вниманието беше Најџел Хејс-Дејвис кој имаше фантастично шутерско шоу и на крајот средбата ја заврши со 50 поени.
Ова е историско постигнување затоа што Хејс-Дејвис е првиот кошаркар кој ја достигна границата од 50 поени на еден натпревар во Евролигата. Хејс-Дејвис до рекордните 50 поени стигна за неполни 30 минути поминати на терен и тоа со биланс од 9/11 за два поени, 9/16 за тројка и 5/7 за слободни фрлања. На крајот стигна до бројката од 46 индекс на корисност.
@NIGEL_HAYES l @FBBasketbol pic.twitter.com/We77b0u7Ax
— Turkish Airlines EuroLeague (@EuroLeague) March 29, 2024
Досегашниот рекорд по бројот на поени во еден меч од Евролигата го држеше Шон Ларкин кој во дресот на Анадолу Ефес постигна 49 поени на мечот против Баерн во 2019 година. Уште само 10 кошаркари постигнале 40+ поени на еден меч во Евролигата.
Реал Мадрид не дозволи изненадување на домашен терен и со пресврт во последните минути, стигна до победа од 101:94 над Црвена ѕвезда. Црно-белите од Белград водеа во најголем дел од мечот, во последната четвртина водеа со 84:77, а финишот имаа предност од 93:92, но на крајот загубија.
Во неизвесен меч, Панатинаикос победи со 81:79 над Виртус Болоња.
