Дефанзивецот на Тотенхем, Џед Спенс, влезе во историјата на англиската репрезентација откако стана првиот муслиман кој заиграл за Гордиот Албион. Цели 153 години стара е традицијата на англиската репрезентација, а дури сега се случи 25-годишниот одбранбен играч да испише историја.
Момчето кое е родено во Лондон дебитираше за Англија откако влезе како резервен играч во 69-тата минута на гостувањето во Белград против Србија. На крајот Англија победи со убедливи 5:0.
„Изненаден сум дека сум првиот, но тоа е голем благослов. Убаво е чувството да се испише историја и се надевам дека ова ќе биде инспирација на децата од целиот свет, дека и тие може да успеат како што успеав јас. Без разлика на која вера припаѓате, важно е да верувате во Господ“, рече Спенс.
Djed Spence 👏
The Tottenham defender becomes the first Muslim player to represent the senior England men’s team 🏴 pic.twitter.com/SPOYUgyFY1
— BBC Sport (@BBCSport) September 9, 2025
Муслиманите сочинуваат шест отсто од населението во Велика Британија, а нивниот број меѓу професионалните фудбалери е значително помал.
„Ова е посебен момент за муслиманите во Велика Британија. Џед носи голема одговорност бидејќи не игра само за Англија, туку и за муслиманите од целиот свет“, истакна Ебадур Рахман, кој е основач на организацијата „Нујум Спорт“, која им дава поддршка на над 400 спортисти од исламска вероисповед.
