Мануел Локатели е играчот за врска на Сасуоло кој доби шанса да заигра и во националниот тим. Фудбалерот кој ги помина сите младински репрезентативни селекции, на дуелот против Холандија доби можност да дебитира и во сениорскиот тим.
Локатели максимално ја искористи понудената шанса. Беше стартер и одигра 81 минута, а на теренот беше еден од најдобрите. Ја контролираше средината на теренот, не им дозволи на домаќините да развијат своја игра, а Аѕурите на крајот победија со 1:0.
Локатели како дете поминал седум години во школата на Милан, а потоа за три сезони во сениорскиот состав на Росонерите одигра вкупно 63 меча. Сепак, од Милан сметаа дека тој нема да им биде потребен и го продадоа во Сасуоло, а Локатели покажа дека од „Сан Сиро“ направиле грешка.
Со своите игри стана еден од клучните играчи во Сасуоло, а сега и во дебито на репрезентативниот дрес покажа одлични перформанси. Медиумите од Италија пишуваат дека Локатели на теренот се движел како зад себе да има над 50 меча за Италија, а селекторот Роберто Манчини вели дека не е изненаден од играта на дебитантот.
Manuel Locatelli 🇮🇹 vs The Netherlands
He keeps on getting betterpic.twitter.com/hWBOMBJXma
— Karim (@Futball_Karim) September 7, 2020
„Не сме изненадени. Го повикавме во репрезентацијата затоа што мислиме дека е одличен играч кој може многу да напредува. Ману има квалитет, визија, физички предиспозиции. Има сè што е потребно за да стане голем играч“, коментира селекторот Манчини.
Против Холандија, Локатели одигра 82 минути и имаше 52 додавања, а вкупната статистика му беше одлична. И соиграчите му честитаа и имаа само пофални зборови за неговата игра.
„Локатели навистина блескаше на мечот во Амстердам. Видов дека е мотивиран да покаже дека има квалитет. Го имаше на секој дел од теренот. Млад е и може уште многу да напредува. Покажа сјаен карактер и ги заслужува сите комплименти кои му беа дадени по мечот“, вели Лоренцо Инсиње.
Manuel Locatelli vs Netherlands
81 minutes
52 passes
88% pass accuracy
1 successful dribble
2 accurate long balls
3 tackles won
2 interceptions
1 clearance
1 aerial won
1 blocked shotOne of the most underrated midfielders in Europe. 🇮🇹 pic.twitter.com/yRo5MF5Jwk
— Football Talent Scout – Jacek Kulig (@FTalentScout) September 7, 2020
