Само со две победи во последните девет одиграни натпревари, италијанската фудбалска репрезентација дефинитивно е во криза. Во последниве 14 дена, Италија одигра дури пет средби, а победи само против Унгарија со 2:1, а претрпе два тешки порази, и тоа од Аргентина со 0:3 и синоќа од Германија со 5:2.
На дуелот против Германија, Италија првпат по повеќе од 65 години се случи да прими пет гола на еден натпревар. Аѕурите немаа примено 5+ погодоци во еден дуел уште од мај 1957 година, кога беа посрамотени од Југославија и загубија со 6:1.
Единствена светла точка од синоќешниот дебакл против Германија е играта на тинејџерот Вилфред Гнонто. Тој доби шанса да заигра во стартниот состав и успеа да постигне гол со кој се запиша во историјата на италијанскиот фудбал.
Со 18 години и 222 дена, Гнонто е најмладиот стрелец во историјата на италијанската фудбалска репрезентација надминувајќи го рекордот на Бруно Никол од 1958 година, кога постигнал погодок со 18 години и 259 денови.
18 & 222 – Wilfried #Gnonto (18 years and 222 days) is the youngest scorer in Italy’s history, overtaken Bruno Nicolè (18 years and 259 days in 1958 v France). Youth.#GerIta #GermaniaItalia #NationsLeague pic.twitter.com/cznKiVhtbT
— OptaPaolo 🏆 (@OptaPaolo) June 14, 2022
