Кошаркарската репрезентација на Италија се пласираше во четвртфиналето на Светското првенство, откако во последниот меч од главната групна фаза успеа да го победи Порторико со 73:57. Фуриозно започнаа Аѕурите и за кратко време поведоа со 15:4 и водеа до крајот на првото полувреме.
Порторико се врати резултатски на почетокот на третоата четвртина кога поведе со 43:41, но потоа Италија со серија од 10:1 повторно ја врати солидната предност од седум разлика (51:44). Во речавачките 10 минути, Аѕурите брзо стигнаа до двоцифрена предност (59:47) и потоа со рутинска игра не дозволи да има неизвесна завршница, па на крајот стигна и до победа со 16 разлика, која беше и највисока во текот на целиот дуел.
Италија сега треба да го чека исходот од мечот меѓу Србија и Доминиканска република, а за нив подобро би било Србите да победат. Доколку Србија слави, Италија ќе заврши прва во групата и најверојатно ќе игра против Литванија, која се очекува да биде втора во својата група. Ако доминиканска република ја победи Србија, тогаш Доминикана ќе биде прва во групата, а Италија втора и ќе игра со лидерот од другата група, каде се очекува најдобри да бидат Американците.
Во утринските мечеви кои досега се одиграа, Австралија беше убедлива против Грузија и победи со 100:84, додека Црна Гора славеше над Грција со 73:66.
