Јувентус со неверојатен пресврт вчера стигна до победа од 4:3 на гости кај Рома на „Олимпико“, но Старата дама има и причина за загриженост. На овој меч се повреди Федерико Кјеза, кој беше заменет само по 32 минути игра.
Напаѓачот на Јувентус почувствувал истегнување на левото колено и едноставно не можеше да продолжи. По направените лекарски контроли, потврдено е дека Кјеза има повреда на предниот вкрстен лигамент.
Ова е една од потешките повреди кај фудбалерите, па Кјеза во следните неколку дена ќе мора да направи операција, а потоа му следува период од неколку месеци за закрепнување.
Кјеза е стандарден првотимец во италијанската репрезентација, а сега ќе недостасува за клучните мечеви во борбата за пласман на Светското првенство во Катар. Италија во март на свој терен во Палермо ќе игра против Македонија во полуфиналето од баражот, а победникот од овој меч во Португалија ќе се сретне со подобриот од дуелот Португалија – Турција.
