Италија постави нов антирекорд, Македонија е „виновна“

Италија синоќа одигра без голови на „Џузепе Меаца“ во Милано, против Португалија и на тој начин ги загуби шансите за пласман во завршницата од Лигата на нации. „Аѕурите“ беа немоќни против актуелниот европски првак, кој во своите редови беше без најдобриот играч, Кристијано Роналдо.

Едноставно Италија требаше да победи за да остане во игра за првото место во групата од Лигата на нации, но ремито без погодоци направи гостите да се радуваат. Со овој нерешен резултат, Италија постави еден антирекорд. За прв пат во историјата на четиркратнот светски првак, шест меча по ред на домашен терен не може да се израдува на победа.

Последната победа на Италија пред своите гледачи е на 5 септември 2017 година и тоа против Израел, минимално со 1:0. По Израел, на „аѕурите“ им гостуваше Македонија. Иако беа големи фаворити против нашата селекција, избраниците на Игор Ангеловски успеаа да одиграат 1:1. На дуелот во Торино, Кјелини погоди за 1:0 во 40 минута, но Трајковски го постигна голот за израмнување во 77 и тогаш ги откажа Италијанците во трка за првото место во групата од квалификациите за СП 2018.

По ремито со Македонија, следуваа уште пет нерешени средби и тоа против Шведска (0:0), Холандија (1:1), Полска (1:1), Украина (1:1), Португалија (0:0).

- Оглас -

Најнови вести