На претстојниот натпревар од квалификациите за Европското првенство 2020 помеѓу фудбалските селекции на Италија и Грција, на 12 октомври во Рим, домашните ќе настапат во некарактеристични за нив, зелени дресови.
Иако зелената боја ја има и тоа како прва во знамето на Италија, сепак спортските репрезентации на оваа земја се познати под прекарот Аѕури затоа што носат опрема во азурно сина боја.
Инаку, нема да биде првпат во историјата Италијанците да играат со зелени дресови. Тие и пред 65 години на „Олимпико“ во Рим кога победија со 2:0 против Аргентина исто така се појавија во зелена боја. Објаснувањето е дека бојата е инспирирана од ренесансниот период и е во чест на многу млади играчи кои придонесуваат за напредокот на италијанскиот репрезентативен фудбал.
